Адрес: 223232, Минская обл., г.Червень,
пл. Свободы, 1

E-mail: isp@cherven.minsk-region.by (для деловой переписки), электронные обращения для обращений граждан и юридических лиц

Телефон: +375 (1714) 2-60-51

Факс: +375 (1714) 2-82-32

Режим работы: Пн.-Пт., 8:00 - 17:00, обед 13:00-14:00, вых. Сб.-Вс.

КУДА ОБРАТИТЬСЯ

Уважаемые посетители!Приветствуем Вас на официальном интернет-сайте Червенского райисполкома далее...

Председатель Червенского районного исполнительного комитета
В.Н. Козлов

 
Пятница, 12 мая 2017 года, 12:23

Той квітнеючы май

Источник  Соб. Инф.
Той квітнеючы май

Да дня Перамогі ў Чэрвеньскай цэнтральнай раённай бібліятэцы прайшла сустрэча “Мінулых дзён святая памяць”. Яе ладзілі сумесна з супрацоўнікамі Чэрвеньскага раённага краязнаўчага музея, дзіцячай школы мастацтваў і раённым Саветам ветэранаў. На мерапрыемстве прысутнічалі ветэраны: Мікалай Фёдаравіч Козыраў, Мікалай Аляксандравіч Лашук і Аляксандр Захаравіч Новік. На сустрэчу завіталі вучні СШ №2 г. Чэрвеня і навучэнцы прафісійна-будаўнічага ліцэя.

Са святам ад раённага Савета ветэранаў, і ад сябе асабіста, удзельнікаў мерапрыемства павіншаваў Іван Фёдаравіч Ладуцька. Ён жа вельмі падрабязна расказаў пра жыццё і дзейнасць кожнага ветэрана і ўручыў падарункі. Потым Мікалай Лашук падзяліўся ўспамінамі, даў наказ моладзі добра вучыцца, сумленна працаваць і быць годнымі сваіх бацькоў і дзядоў.

Для ветэранаў у выкананні бібліятэкараў прагучалі пранікнёныя вершы. Супрацоўнікі краязнаўчага музея падрыхтавалі прэзентацыю “Курган Славы”. Павіншаваў гасцей з вялікім святам народны жартоўны гурт “Чэрвеньскія балагуры” пад кіраўніцтвам Андрэя Каленіка. З захапленнем удзельнікі мерапрыемства ўспрынялі выступленне музычнай капэлы дзіцячай школы мастацтваў “Ігуменскія крыніцы”. З добрым настроем госці сустрэлі дуэт баяністаў у складзе Юрыя Калесніка і Аляксандра Капцелава.

Напрыканцы сустрэчы ад супрацоўнікаў цэнтральнай раённай бібліятэкі ветэранам Вялікай Айчыннай вайны былі ўручаны кветкі і падарункі.

Святлана Ждановіч,

загадчыца аддзела абслугоўвання і інфармацыі

Чэрвеньскай цэнтральнай раённай бібліятэкі

Прочитано 109 раз (а)